ტრენინგის რეფლექსია

                                                                    23.VII 
                                                      ტრენინგის პირველი დღე

         ტრენინგის პირველ დღეს გავიარე ინტელის ძირითადი კურსი– სახელწოდებით „პროექტზე

     დაფუძნებული სწავლება და ინფორმაციულ-საკომუნიკაციო ტექნოლოგიების ინტეგრირება".

         გავეცანი ტრენინგის ძირითად მოდულებს, შევქმენი პორტფოლიო, სადაც განვათავსე  საჭირო              საქაღალდეები ინფორმაციისათვის,დავამზადე სასწავლო პროექტის შაბლონი, გავეცანი                          პროექტის არსს, სპეციფიკას და ვიმსჯელეთ მისი მნიშვნელობის შესახებ სასწავლო პროცესში.

          შევქმენი ახალი ბლოგი, ვისწავლე ბლოგზე დამატებითი გვერდების განთავსება და                             სასურველი ფონის შეცვლა, ბოლოს გაჯეტების დადება და განლაგება. 


                                                                         25/VII
                                                        ტრენინგის მეორე დღე
 
         ტრენინგის მეორე დღე დაიწყო წინა მეცადინეობაზე განხილული საკითხების მიმოხილვით.
          შემდეგ გავეცანით პროექტის ძირითად მახასიათებლებსა და მოთხოვნებს, განვიხილეთ                         პროექტებზე დაფუძნებული მიდგომები. ელექტრონული სახელმძღვანელოდან ვიხილეთ                   პროექტის მახასიათებლების ჩეკლისტი.
      ტრენინგის ბოლოს მოგვეცა ინსტრუქცია, რომ დაგვემზადებინა პროექტის ბუკლეტი.
     სანიმუშოდ გავეცანით რამდენიმე ბუკლეტის ნიმუშს, შევქმენით ჩვენი ბუკლეტები და                           ავტვირთეთ ბლოგზე.

                                                                        27/VII

                                                     ტრენინგის მესამე დღე

        მესამე დღეს გავეცანით ელექტრონული სახელმძღვანელოდან მე-2 მოდულის I და II 
     აქტივობებს, განვიხილეთ 21-ე საუკუნის უნარ-ჩვევები, რომლებიციც მოიცავდა:

·         სწავლისა და გამომგონებლობის უნარ-ჩვევებს;

·         საინფორმაციო, მედია და ტექნოლოგიური უნარ-ჩვევებს;

·         სასიცოცხლო და კარიერული უნარ-ჩვევებს.

          შემოთავაზებული უნარ–ჩვევებიდან ავარჩიეთ ჩვენი პროექტისთვის საჭირო უნარები.

          შემდეგ შევარჩიეთ ესგ–ს საგნობრივი და ისტ–ის სტანდარტიდან შესაბამისი 
        ინდიკატორები და შევუსაბამეთ ჩვენი პროექტის მიზნებს.

      ბოლოს გავეცანით მიმართულების მიმცემ საკვანძო  კითხვებს:

·         ზოდაგი

·         თემატური

·         შინაარსობრივი


                        

                                                                      30/VII

                                                     ტრენინგის მეოთხე დღე

      ტრენინგის დასაწყისში გავიხსენეთ წინა მეცადინეობაზე განხილული საკითხები. ერთმანეთისთვის გავუზიარეთ წინა ტრენინგზე შექმნილი ბუკლეტები და მოვაწყვეთ პრეზენტაცია. 

      შემდეგ განვიხილეთ მეორე მოდულის საკითხები, კერძოდ, შეფასების სხვადასხვა მეთოდები. ვიმსჯელეთ პროექტის ფარგლებში მოსწავლეთა საჭიროებების შეფასებასა და წინარე ცოდნაზე.

      ბოლოს განვიხილეთ ჩვენი პროექტის გეგმა და ჩამოვაყალიბეთ მიზნები, ვისწავლეთ ბლოგის დიზაინის შექმნა და დისკიდან ბლოგზე ჩვენი ნამუშევრის ატვირთვა.

                                                                   01/VIII

                                                    ტრენინგის მეხუთე დღე

       ტრენინგის მეხუთე დღეს ელექტრონულ სახელმძღვანელოში გავხსენით სტანდარტებისა და    მიზნების რუბრიკა, ავირჩიეთ და მოვნიშნეთ  21-ე საუკუნის უნარ-ჩვევებიდან და საგნობრივი სტანდარტებიდან შესაბამისი ინდიკატორები და შევუსაბამეთ მიმართულების მიმცემი საკვანძო კითხვების რუბრიკას.       

            ამის შემდეგ გავეცანით პორტფოლიოს შეფასების რუბრიკას, რითაც საბოლოო ჯამში ფასდება ჩვენი ტრენინგი და ავირჩიეთ შეფასების შესაბამისი ინდიკატორები.

            ელექტრონულ სახელმძღვანელოში შესრულებული დავალებები გადავიტანეთ და  შევინახეთ  ჩვენს საქაღალდეში.

            ვისწავლეთ powerpoint- ში საკუთარი პროექტის გეგმის აწყობა, შევარჩიეთ სასურველი დიზაინი და შევქმენით პროექტის გეგმა შემდგომი პრეზენტაციისთვის.

           ტრენინგის ბოლოს ვისაუბრეთ საავტორო უფლებებზე და გავეცანით სახელმძღვანელოდან  გამოყენებული ლიტერატურის ნიმუშს.

                                                                  03/VIII  

                                                   ტრენინგის მეექვსე დღე

      ტრენინგის მეექვსე დღე დავიწყეთ წინა ტრენინგის მიმოხილვით. ამის შემდეგ ტრენერმა გაგვაცნო მეექვსე დღის სამუშაო განრიგი, რომ დღევანდელ ტრენინგზე ვისწავლიდით სასწავლო ნიმუშების შექმნას.

      ამის შემდეგ გავეცანით მე-4 მოდულს. ვისაუბრეთ თუ როგორ უნდა დაგეგმონ და შექმნან მოსწავლეებმა სასწავლო ნაშრომი. სანიმუშოდ განვიხილეთ ელექტრონული სახელმძღვანელოს რესურსებიდან „ლობიოს დიდი რბოლა“ და „უკვდავი გმირები - მითის მაგალითი“.

      შემდეგ თითოეულმა ჩვენგანმა ავირჩიეთ მოსწავლის მიერ შესასრულებელი დავალება (კედლის გაზეთი, პრეზენტაცია და სხვა). მომზადებული მასალა გადავიტანეთ და შევინახეთ  ჩვენს საქაღალდეში.

შემდეგ ინტერნეტში მივიძიეთ პროექტის შესაბამისი სურათები და შევინახეთ,,სურათები, აუდიო, ვიდეოს“ ფაილში. ბოლოს სასწავლო გეგმის შაბლონში შევიტანეთ პროექტის სასწავლო მიზნები/სწავლის შედეგები. ბლოგზე ავტვირთეთ მოსწავლის სავარაუდო ნაშრომი. 

                                                                  08/VIII 

                                                       ტრენინგის მერვე დღე

  ტრენინგის მერვე დღეს გავიხსენეთ წინა დღის საკითხები. გადავხედეთ ელექტრონული სახელმძღვანელოდან მეექვსე და მეშვიდე მოდულებს, კერძოდ, დიფერენცირებასა და ფასილიტაციას. 

   გავიარეთ მეექვსე მოდულის ძირითადი შეკითხვები:

·        როგორ დავეხმარო მოსწავლეებს დამოუკიდებელი სწავლის უნარ-ჩვევების ჩამოყალიბებაში?

·        როგორ დავადგინო მოსწავლეთა განსხვავებული საჭიროებები?

შემდეგ შევქმენით მასალები, რომლებიც  გამოგვადგება გაკვეთილზე, სწავლების ან დაგეგმის პროცესში.

   განვიხილეთ მეშვიდე მოდული ფასილიტაცია, კერძოდ, მოდულის კითხვები:

·         როგორ გავუწიო ფასილიტაცია კლასს მოსწავლეზე ორიენტირებულ სწავლების პროცესში

·         როგორ გამოვიყენო ტექნოლოგიები სასწავლო პრაქტიკის გასაუმჯობესებლად?

      ბოლოს გავეცანით, თუ რაოდენ მნიშვნელოვანია კითხვების დასმა მოსწავლეთა ჩართულობისა და მაღალი დონის სააზროვნო უნარების წახალისებისათვის. ვისწავლეთ, თუ როგორ უნდა შევქმნათ ფასილიტაციის რესურსები, რა არის საჭირო წარმატებული სასწავლო პროექტის განხორციელებისათვის. შევქმენით მოსწავლეთა მხარდამჭერი ნიმუშების სამი ვარიანტი.

                                                                   10.VII
                                                                  ტრენინგის მეათე დღე 
      ტრენინგის დასასრულს განვიხილეთ მთელი ტრენინგის განმავლობაში განხილული მასალა. მონაწილე მასწავლებლებმა წარვადგინეთ ჩვენი პროექტები. ტრენერისა და კოლეგებისგან მივიღეთ საჭირო რჩევები, რომლებსაც გავითვალისწინებთ პროექტის განხორციელებისას სასწავლო პროცესში.
      ტრენინგის ბოლოს გავიარეთ ყველა ის აქტივობა, რომელიც მთელი ტრენინგის განმავლობაში ვისწავლეთ და დავხვეწეთ.